Былы ўдзельнік «Дома-2» будзе працаваць ХК «Магілёў»

Адказным за працу з брамнікамі ў ХК «Магілёў» прызначаны Дзмітрый Рылькоў.

Пра гэта паведамляе афіцыйны сайт клуба.

26-гадовы спецыяліст з'яўляецца выхаванцам магілёўскага хакея. З 2006 года пачаў выступаць за фарм-клуб «Хімвалакно» (Магілёў). У сезоне 2007/2008 галкіпер прыцягваўся да асноўнага складу першай каманды.

У 2010 годзе пакінуў Магілёў і адправіўся ў Жлобін, дзе правёў 9 гульняў за фарм-клуб «Металурга». Сезон 2010/2011 стаў апошнім у гульнявой кар'еры Рылькова.

У 2011 годзе Рылькоў браў удзел у рэаліці-шоў «Дом-2».