Пасажыраў з Менска ў Маскве правяраюць як замежнікаў
97- 14.01.2017, 12:14
- 18,346
Візы касуюцца толькі з сярэдзіны лютага, а пасажыраў ужо сталі кантраляваць.
- Прыляцела рэйсам Менск - Масква ў аэрапорт Шарамецьева. Ішла на выхад, але яго перагарадзілі і абвясцілі, што пасажыры рэйса з Менска павінны прайсці на выхад у зону агляду. Выстраілася чарга, людзі абураліся, не разумелі, што адбываецца. У нас сканавалі пашпарта, правяралі багаж на стужцы, - распавядае kp.by Аляксандра, якая ляцела з Менска ў Маскву 13 студзеня. - Пасажыраў з іншых рэйсаў адпраўлялі на выхад адразу, маўляў, вам не трэба праходзіць кантроль. Хтосьці стаў абурацца, што нас ужо правяралі ў Менску. Як жа, мытны саюз, адсутнасць межаў... Тады супрацоўнікі аэрапорта патлумачылі, што так будзе заўсёды. Беларусь скасавала візы, і яны вымушаныя кантраляваць усіх, хто прылятае да іх.
Раней, людзей, якія прыляцелі з Менска ў Маскву, ніхто не правяраў. Пасажыры выходзілі з самалёта ды ішлі на выхад.