«Як КДБ падсунуў мне гарэлку»

Амерыканскі журналіст згадвае пра працу ў СССР.

Размовы пра кампрамат і дэзінфармацыю, якія пачаліся на Захадзе ў сувязі з непацверджаным дасье на Дональда Трампа, ускалыхнулі ў журналістаў і дыпламатаў успаміны пра іх працу ў СССР, заўважае ў артыкуле для The New York Times (пераклад – inopressa.ru) журналіст Серж Шмеман.

Са слоў аўтара, савецкае мысленне разглядала замежнікаў як пагрозу. - піша выданне.

Са слоў Шмемана, ён, як і многія іншыя замежныя карэспандэнты, стаў ахвярай некалькіх спробаў яго скампраметаваць. Аднойчы ў бары ў Адэсе нейкая дзяўчына раптам павісла ў яго на шыі, і тут жа бліснулі фотаўспышкі. «У Самаркандзе мне і майму калегу цішком налілі гарэлкі ў вулічнай чайхане, а потым нас арыштавалі за тое, што мы яе пілі. Іншаму калегу, што паводле перакананняў непітушчы, падсунулі «мікі фіна» [спіртное з прымешкай адурманьваючых сродкаў, выкарыстоўваецца ў злачынных мэтах. - заўв.], каб здавалася, быццам ён моцна п'яны», - гаворыцца ў артыкуле.

«Не варта здзіўляцца, што некаторыя з гэтых тактык захаваліся або адроджаныя. Сённяшняя Расея - гэта не СССР, але ў пуцінскага рэжыму такія ж інстынкты: так, ён навешвае ярлык «замежны агент» на любое замежнае прадпрыемства [так у арыгінале. - заўв.] або адмаўляе пераканаўчыя доказы прымянення допінгу расейскімі спартоўцамі, сцвярджаючы, што гэта міжнародная змова», - піша аўтар.

Аднак ён мяркуе: «Кампрамат і дэзінфармацыя савецкіх часоў служылі пераважна для таго, каб агаляць няўпэўненасць і слабасць рэжыму. Цяжка зразумець, якім чынам яны дапамаглі б Крамлю сёння».