Вудкрофт: Перамога над «Адміралам» дасць прыемнае адчуванне на ўсю нашу доўгую дарогу дадому

Галоўны трэнер менскага «Дынама» пракаментаваў гасцявую перамогу над «Адміралам» (5:3) у рэгулярным чэмпіянаце КХЛ.

Словы Крэйга Вудкрофта падае афіцыйны сайт менскага «Дынама».

«Нам пашанцавала, што мы змаглі перамагчы сёння. «Адмірал» — моцная каманда з добрым падборам выканаўцаў, яны гуляюць хутка і небяспечна. Мы добра пачалі матч. Зрабілі некалькі тактычных крокаў і за кошт гэтага здолелі вырвацца наперад. Пачынаючы з сярэдзіны першага перыяду і да фінальнай сірэны, гульня была роўнай.

Мы стараліся гуляць адпаведна ліку, і не падпускаць спаборніка блізка. Гэта перамога дасць нам прыемнае адчуванне на ўсю нашу доўгую дарогу дадому», — сказаў Вудкрофт.