У Менску сталі платнымі яшчэ чатыры паркоўкі
5- 16.01.2017, 21:51
- 148,345
Зоны платнай паркоўкі размяшчаюцца на бульвары Мулявіна.
У Менску на бульвары Мулявіна з 16 студзеня паркоўкі сталі платнымі - спачатку яны будуць працаваць у тэставым рэжыме, а з 17 лютага пяройдуць у штатны рэжым працы, паведамляецца на сайце ДУ «Паркоўкі сталіцы».
Зоны платнай паркоўкі размяшчаюцца на бульвары Мулявіна:
з абодвух бакоў праезду ад праспекта Незалежнасці да вуліцы Залатая Горка;
з абодвух бакоў праезду ад вуліцы Залатая Горка да праспекта Незалежнасці;
у праездзе паміж будынкамі вуліца Гікалы, 4 і бульвар Мулявіна, 5;
на адцінку вуліцы Залатая Горка: паміж вуліцамі Гікалы і бульварам Мулявіна.
Заканчэнне тэставай эксплуатацыі гэтых зон і пераход у штатны рэжым аплаты адбудзецца 17 лютага.