Расея і Турцыя пачалі сумесную паветраную аперацыю ў Сірыі

Авіяцыя дзвюх краін наносіць удары па аб'ектах «Ісламскай дзяржавы» ў Алепа.

Паветрана-касмічныя сілы Расеі і ВПС Турцыі праводзяць першую сумесную паветраную аперацыю супраць групоўкі «Ісламская дзяржава» ў прыгарадах населенага пункта Эль-Баб правінцыі Алепа. Пра гэта паведаміў журналістам начальнік Галоўнага аператыўнага ўпраўлення Генштаба Узброеных сіл Расеі генерал-лейтэнант Сяргей Рудскі, піша ТАСС.

«Да паветранай аперацыі, узгодненай з сірыйскім бокам, прыцягваюцца дзевяць ударных самалётаў ПКС Расеі, у тым ліку чатыры Су-24м, чатыры Су-25 і адзін бамбавік Су-34, а таксама восем самалётаў ВПС Турцыі: 4 F-16 і 4 F-4. Усяго на паразу маецца 36 аб'ектаў», - сказаў ён.

З ягоных слоў, усе аб'екты, па якіх наносяцца авіяўдары, былі загадзя ўзгодненыя па лініі Генеральных штабоў і камандавання авіяцыйных груповак дзвюх краін. «Цягам двух апошніх дзён вялася разведка мэтаў з выкарыстаннем комплексаў беспілотных лятальных апаратаў і сродкаў касмічнай выведкі», - удакладніў Рудскі.

«Ацэнка першых вынікаў нанясення ўдараў па тэрарыстам ІД (ранейшая назва ІД - заўв. рэд.) паказала высокую эфектыўнасць сумесных дзеянняў расейскай і турэцкай авіяцыйных груповак», - адзначыў ён.

Перамовы аб Сірыі пройдуць у Астане 23 студзеня, піша unian.net. У канцы 2016 года Расея сумесна з турэцкім бокам выступіла гарантам перамір'я ў Сірыі, уведзенага з 30 снежня, аднак рэжым цішыні неаднаразова парушалі сірыйскія ўрадавыя войскі, праз чаго частка паўстанцаў заявіла пра спыненне падрыхтоўкі да мірных перамоваў.

Масква і Тэгеран з'яўляюцца блізкімі прыхільнікамі прэзідэнта Башара аль-Асада, спрыяючы захаванню яго рэжыму вайсковымі метадамі. Анкара ж аказвае дапамогу апазіцыйным сілам у барацьбе супраць джыхадзістаў, адначасова процідзейнічаючы атрадам курдскіх паўстанцаў.