У Тбілісі пачалася стыхійная акцыя пратэсту

Пратэстоўцы ў Тбілісі запатрабавалі адстаўкі прэм'ер-міністра Грузіі і кіраўніка МУС.

У Тбілісі паліцыя ўночы 12 траўня правяла ў некалькіх начных клубах антынаркатычны рэйд, у выніку якога былі затрыманыя, паводле афіцыйных звестак, восем меркаваных наркагандляроў.

Са слоў відавочцаў, падчас аперацыі паліцэйскія выкарыстоўвалі сілу да наведвальнікаў клубаў. У горадзе пачалася стыхійная акцыя пратэсту, у якой узялі ўдзел некалькі тысяч чалавек, піша «Медуза» са спасылкай на «Каўказскі вузел». Акцыя суправаджалася сутычкамі і затрыманнямі.

Былі затрыманыя лідары, якія выступаюць за дэкрыміналізацыю марыхуаны партыі «Гірчы» і руху «Белы шум» Зураба Джапарыдзэ і Бека Цыкарышвілі, а таксама ўладальнікі клуба «Басіяні».