«Джаконду» ў Луўры аблілі супам экаактывісткі
63- 28.01.2024, 16:20
- 14,606
Відэа.
У парыжскім Луўры экаактывісткі 28 студзеня аблілі супам «Джаконду» італьянскага мастака Леанарда да Вінчы, паведамляе BFM TV.
На кадрах, якія апублікавала ў Х інфармагенцтве Clpress, відаць, што дзве жанчыны, якія прыйшлі ў Луўр, вылілі суп на куленепрабівальнае шкло, якім абароненая карціна.
Паведамляецца, што актывісткі такім спосабам хацелі прыцягнуць увагу да праблем у сельскагаспадарчым сектары Францыі.
ALERTE - Des militantes pour le climat jettent de la soupe sur le tableau de La Joconde au musée du Louvre. @CLPRESSFR pic.twitter.com/Aa7gavRRc4
— CLPRESS / Agence de presse (@CLPRESSFR) January 28, 2024
«Што важней? Мастацтва ці права на здаровае і экалагічна чыстае харчаванне?», - заявілі актывісткі, звяртаючыся да наведвальнікаў Луўра, якія сталі сведкамі інцыдэнту.
Аб датычнасці да акцыі заявіла ў X рух пад назвай «Харчовая рэакцыя», якая прадстаўляе сябе як «французская кампанія грамадзянскага супраціву, мэтай якой з'яўляецца радыкальнае змяненне грамадства на кліматычным і сацыяльным узроўні».
🦺 ACTION EN COURS - PARIS
— Riposte Alimentaire (@riposte_alim) January 28, 2024
Dimanche 28 janvier. 10h00
2 citoyennes engagées avec la nouvelle campagne Riposte Alimentaire ont aspergé de soupe le tableau “La Joconde” mondialement connu, exposé au Musée du Louvre. [1]#RiposteAlimentaire #A22Network #Joconde #Louvre pic.twitter.com/wfdUhf6K5G
У атрыманым ад руху рэлізе, які публікуе AFP (навіна даступная па падпісцы, яе цытуе BFM TV) акцыя аблівання супам «Моны Лізы» пададзеная як «пачатак кампаніі грамадзянскага супраціву, якая нясе ў сабе дакладнае патрабаванне, выгаднае для ўсіх: сацыяльнае забеспячэнне для устойлівага харчавання».
Міністр культуры Францыі Рашыда Даці ў Х асудзіла акцыю экаактывістак, заўважыўшы, што «Мона Ліза» належыць будучым пакаленням і ніякая прычына не можа апраўдаць напад на яе».
