Памёр заснавальнік савецкага рок-гурта «Машына часу»
6- 8.02.2024, 18:11
- 17,390
Юрыю Барзову было 70 гадоў.
Ва ўзросце 70 гадоў памёр адзін з заснавальнікаў гурта «Машына часу» Юрый Барзоў. Пра гэта расСМІ паведаміў музыка Андрэй Макарэвіч.
Паводле словаў Макарэвіча, Барзоў пакутаваў на анкалагічнае захворванне. Час і месца пахавання пакуль невядомыя.
Юрый Барзоў нарадзіўся ў сям'і лётчыка і прафесійнай спявачкі ў 1953 годзе. Яшчэ ў школе пасябраваў з Андрэем Макарэвічам. Менавіта Барзоў прапанаваў сябрам назваць гурт «Машына часу». Ён браў удзел у запісе першага альбома гурта, названага «Time Machines».
Быў барабаншчыкам у «Машыне часу» да 1972 года, потым сышоў у гурт Аляксея Раманава «Хлопцы, якія пачынаюць граць, калі паласаты гіпапатам перасякае раку Замбезі», праз год яна распалася.
У 1988 годзе атрымаў прэмію на міжнародным конкурсе «Вобраз моста будучыні», які праходзіў у Японіі. З 1985 года займаўся пошукавай дзейнасцю, перапахаваннем салдатаў Другой сусветнай вайны ў пошукавай групе «Братэрства святога Георгія». Быў мастаком, удзельнічаў у выставах, маляваў аголеных жанчынаў, коней і птушак.