Экс-супрацоўнік ЦРУ: Пуцін цяпер слабы і ёсць гістарычная магчымасць перамагчы яго

Ён заклікаў улады ЗША хутчэй выдзеліць дапамогу Украіне.

Былы афіцэр ЦРУ Джон Сайфер заклікаў краіны Захаду надаць Украіне большую вайсковую падтрымку, заявіўшы, што Пуцін зараз слабы.

- Дзеля ўсяго святога. У нас ёсць гістарычная магчымасць перамагчы ворага, які ўжо шмат гадоў ваюе з намі. Пуцін разбурае ўсё, што для нас важна. Ён зараз слабы. Перастаньце быць такімі нясмелымі і дзейнічайце як звышдзяржава, - заклікаў Сайфер рэспубліканцаў, якія ніяк не даюць ухваліць дапамогу Украіне, піша Newsweek (пераклад - «Уніян»).

Сайфер дадаў: «Дайце Украіне тое, што ёй трэба для перамогі!».

Зяленскі аб дапамозе заходніх партнёраў

Украінскі прэзідэнт Уладзімір Зяленскі заявіў у інтэрв'ю CBS News, што Украіне патрэбная дапамога цяпер, папярэдзіўшы аб расейскім наступленні і аб магчымасці пераходу канфлікту на тэрыторыю NATO, калі Пуціна не спыніць. Украіне трэба больш артылерыі і амерыканскіх сістэм супрацьракетнай абароны «Патрыёт», сказаў ён.