Памежнікі знайшлі дома ў беларуса самаробны беспілотнік

Што было потым?

Лідскія памежнікі канфіскавалі ў мужчыны ў Воранаўскім раёне самаробны беспілотнік, расказалі ў прэс-службе ДПК.

Паведамляецца, што 17 красавіка памежнікі знайшлі па месцы жыхарства беларуса коптар, выраблены саматужным спосабам, а таксама запасныя акумулятарныя батарэі. Жыхар прымежнага населенага пункта Беняконі растлумачыў, што надалей збіраўся прадаць беспілотнік.

У дачыненні да мужчыны распачалі адміністрацыйны працэс паводле арт. 24.19 КоАП. Дрон і 12 акумулятарных батарэй канфіскаваныя.