СМІ: У Магілёве затрымалі дачку Рыгора Кастусёва

Жанчыну адправілі ў ІЧУ.

Праўладны тэлеграм-канал "Шосты рэгіён" апублікаваў відэа аб затрыманні выкладчыцы магілёўскай аўташколы.

Паводле інфармацыі “Медыязоны”, гаворка ідзе пра Кацярыну Кастусёву, дачку лідара партыі БНФ Рыгора Кастусёва.

На камеру жанчына кажа, што ў 2020 годзе “дапамагала экстрэмісцкаму фармаванню “Вясна” і ў 2021 годзе зарэгістравалася ў боце “Плана Перамогі”.

- Зараз я накіроўваюся ў ІЧУ, - вымусілі сказаць пад запіс затрыманую.

Што канкрэтна ставяць у віну затрыманай, аўтары канала не ўдакладняюць.