Беларуская гандбалістка хоча атрымаць румынскі пашпарт

Яна падала ўсе неабходныя для гэтага дакументы.

Беларуская гандбалістка Марыя Канавал спрабуе атрымаць грамадзянства Румыніі. Яна падала ўсе неабходныя для гэтага дакументы, паведамляе «Еўрарадыё».

Канавал 27 гадоў. З 2020-га яна выступае за румынскі клуб «Дунэры».

Змена спартовага грамадзянства адбудзецца найбліжэйшым часам. Беларуску ўжо чакаюць у камандзе Румыніі. На зборах яна можа з'явіцца напрыканцы ліпеня, а дэбют адбудзецца ў кастрычніку. А далей Марыю Канавал чакае чэмпіянат Еўропы.