У Кобрынскім раёне матацыкліст рэзнуўся ў аўтамабіль ДАІ

Спрабаваў уцячы ад пагоні.

Удзень 8 красавіка бяспраўнік на матацыкле спрабаваў уцячы ад супрацоўнікаў ДАІ, паведамілі ва УУС Берасцейсага аблвыканкама.

Супрацоўнікі ДАІ ў пасёлку Арэхаўскі падалі сігнал аб спыненні кіроўцу матацыкла «Менск», але той патрабаванне праігнараваў і пачаў уцякаць. Падчас пагоні ля дома № 20 па вуліцы Леніна ён рэзнуўся ў службовае аўто.

У выніку ДТЗ ніхто не пацярпеў. Транспартныя сродкі атрымалі механічныя пашкоджанні.

За стырном матацыкла знаходзіўся 38-гадовы мясцовы жыхар, які ніколі не атрымліваў пасведчанне кіроўцы. На яго склалі пяць адміністрацыйных пратаколаў, транспартны сродак змясцілі на штрафстаянку.