CNN: Расейцы найбліжэйшыя тыдні пачнуць маштабны наступ
4- 10.05.2024, 9:49
- 19,006
Атрыманыя звесткі заходніх выведак.
У найбліжэйшыя некалькі тыдняў Расея ўзмоцніць наземныя і паветраныя атакі на Украіну, выкарыстоўваючы час, калі яшчэ не паступіла вайсковая дапамога ЗША.
Пра гэта тэлеканал CNN паведамляе са спасылкай на трох знаёмых з выведвальнымі звесткамі чыноўнікаў.
Крыніцы расказалі тэлеканалу, што Расея спрабуе максімальна выкарыстоўваць у сваіх інтарэсах час паміж зацвярджэннем ЗША пакета ваеннай дапамогі і яе фактычным паступленнем на фронт.
Суразмоўцы прызналі, што месяцы затрымкі зацвярджэння дапамогі прывялі да рэальных страт Украінай як людзей, так і тэрыторый.
Цяпер расейцы, на думку заходніх і ўкраінскіх чыноўнікаў, плануюць маштабны наступ у пачатку лета. Для гэтага ў РФ прадоўжвлі частковую мабілізацыю.
Адзін з ваенных чыноўнікаў ЗША, ацэньваючы перспектывы Украіны ў найбліжэйшыя тыдні нават з улікам вайсковай дапамогі, сказаў CNN: «У найлепшым выпадку – утрымліваць лінію фронту».