Украінскі баксёр Ламачэнка заваяваў два чэмпіёнскія тытулы
3- 12.05.2024, 16:32
- 3,640
Украінец перамог аўстралійца Джорджа Камбасаса.
Украінскі баксёр Васіль Ламачэнка перамог аўстралійца Джорджа Камбасаса ў чэмпіёнскім баі, які прайшоў у Перце (Аўстралія).
Бой закончыўся перамогай украінца тэхнічным накаўтам у 11-м раўндзе.
Стаўкай быў вакантны чэмпіёнскі тытул паводле версіі Міжнароднай баксёрскай федэрацыі (IBF) у лёгкай вазе, а таксама тытул паводле версіі Міжнароднай баксёрскай арганізацыі (IBO), які належыць Камбасасу.
36-гадовы Ламачэнка ў сваім апошнім баі ў траўні 2023 года саступіў аднагалоснай пастановай суддзяў амерыканцу Дэвіну Хэйні, які тады быў абсалютным чэмпіёнам свету ў лёгкай вазе. Пазней амерыканец перайшоў у першую паўсярэднюю вагу.
На рахунку Ламачэнкі, двухразовага алімпійскага чэмпіёна, цяпер 18 перамог і тры паразы на прафесійным рынгу. У 30-гадовага Камбасаса 21 перамога і тры паразы.
Ламачэнка з'яўляецца былым чэмпіёнам свету паводле версій Сусветнай баксёрскай асацыяцыі (WBA), Сусветнай баксёрскай арганізацыі (WBO) і Сусветнай баксёрскай рады (WBC) у лёгкай вазе. Ён страціў тры тытулы ў кастрычніку 2020 года, саступіўшы амерыканцу Тэафіма Лопесу. Камбасас валодаў паясамі WBA, IBF і WBO, але страціў іх у баі з Хэйні.