Што будзе, калі паспрабаваць праехаць кола не гледзячы?
42- 16.05.2024, 15:26
- 7,968
Відэа з Ваўкавыска.
Часцей за ўсё, хоць і не заўсёды, на нашых дарогах скрыжаванне з кругавым рухам пазначанае як галоўная дарога. А значыць, тым, хто выязджае на яго, неабходна прапусціць тых, хто ўжо едзе па коле. І гэта важнае правіла, ігнараваць якое небяспечна.
Карыстальнік форуму «Онлайнера» з мянушкай 7001600_aA стаў відавочцам аварыі на кругавым скрыжаванні ў Ваўкавыску. Аварыя здарылася 13 траўня а 18:21.
— Кіроўца выехала на кола на скрыжаванні вуліц Леніна, Сацыялістычнай і Школьнай у Ваўкавыску, не саступіўшы дарогу аўтамабілю, які рухаўся па коле. Далей усё можна ўбачыць на відэа, - распавёў ён.
Кіроўца чырвонага аўтамабіля відавочна не чакала прамога ўдару ў правы бок. Ну а куды глядзела аўтамабілістка на белым аўто, выязджаючы на скрыжаванне з кругавым рухам, - загадка.