Палкоўнік УСУ назваў слабае месца Лукашэнкі

Украіна ўжо “коса глядзіць” на гэтыя аб'екты.

Палкоўнік УСУ, ваенны экспэрт Раман Світан у інтэрв'ю «24 каналу» ацаніў магчымасць наступу расейцаў на Украіну з паўночнага кірунку.

"Лукашэнка трыста разоў падумае, патэлефануе Сі Цзіньпіну з просьбай уціхамірыць Пуціна для таго, каб ён не падстаўляў Беларусь пад удар украінскіх вайскоўцаў", — сказаў Світан.

Ён удакладніў, што пагрозы наступу расейцаў у Чарнігаўскую вобласць няма. Аднак вораг можа пагражаць з боку Беларусі для таго, каб Украіна расцягнула свае рэзервы, якія ёсць, напрыклад, у Данецкай вобласці па дадатковай лініі фронту.

“На Харкаў яны прымусілі нас перакінуць рэзервы, такая ж карціна будзе найбліжэйшым часам каля Сум. Менавіта такія “трывожныя” аперацыі расейцы могуць планаваць на мяжы Украіны з Беларуссю”, - адзначыў Світан.

Са слоў вайсковага экспэрта, Лукашэнка ўсведамляе, што пад пагрозай могуць апынуцца беларускія нафтаперапрацоўчыя заводы, калі з Беларусі будуць “касыя погляды” на Украіну.

“Гэта нафтаперапрацоўчыя заводы, якія вырабляюць дызель, для расейскага войска, дарэчы, таксама, Мазырскі НПЗ, “Нафтан” і г.д., да якіх мы дастаём”, - падкрэсліў Світан.

Ён таксама растлумачыў, што для Лукашэнкі знішчэнне гэтых аб'ектаў будзе балючай падзеяй, бо яны ўзбагачаюць ягоныя "кішэні".

Для Украіны ж гэтыя заводы стануць легальнымі ваеннымі цэлямі, якія будуць знішчаны, як толькі з Беларусі будзе ўварванне.