Арына Сабаленка пацярпела паразу ў фінале турніру ў Рыме

Беларуска саступіла першай ракетцы свету Ізе Швентэк.

У фінальным паядынку на турніры «ВТА-1000» беларуска Арына Сабаленка (N 2 ВТА) у двух сэтах саступіла першай ракетцы свету Ізе Швентэк з Польшчы з лікам 2:6, 3:6.

Матч доўжыўся 1 гадзіну 29 хвілінаў, паведамляе «Прэсбол».

За фінал Сабаленка зрабіла 28 нявымушаных памылак, полька толькі восем.

Для Швентэк гэта другі тытул «тысячніка» запар. Раней яна ў фінале Мадрыда таксама перамагла Сабаленку.