Куды можна адправіцца на шашлыкі ў Менску?
6- 4.05.2024, 19:31
- 2,988
Спіс месцаў.
У Менску ёсць пляцоўкі, дзе можна абсалютна законна прыгатаваць шашлыкі і адпачыць на прыродзе. Спіс месцаў склалі «Мінск-Навіны».
Сярод іх:
- пляж Камсамольскага возера. Тут ёсць альтанкі і месцы з мангаламі.
- У Чыжоўцы за заапаркам па вуліцы Убарэвіча. Тут ёсць пляцоўкі для адпачынку са сталамі і падстрэшкамі і месцы для ўсталёўкі мангалаў.
- Лесапарк Мядзвежына. Тут ёсць альтанкі і месцы для прыгатавання страў на адкрытым агні.
- Лесапаркавая зона ў Сцяпянцы. Побач з вуліцай Карвата ёсць альтанкі, дзе можна правесці час на ўлонні прыроды. Маршрут такі: ад АП «Дражня» ісці па ходзе транспарту, звярнуць налева, а затым направа.
- У парку «Тыволі» (вуліцы Матусевіча і Пятра Глебкі). Сюды можна прыйсці са сваім мангалам. Вогнішчаў і пляцовак для гатавання страў на агні няма.
- У Лошыцкім парку. Тут ёсць пляцоўкі, дзе можна гатаваць на агні, але мангал трэба браць з сабой.
За незаконнае развядзенне вогнішча, выкарыстоўваючы мангал, можа пагражаць штраф у 12 базавых (480 рублёў). Базавая велічыня зараз 40 рублёў.
Калі чалавек адпачне на прыродзе і не прыбярэ за сабой смецце, можа быць штраф ад 5 да 50 базавых (ад 200 да 2 тысяч рублёў). А за незаконную высечку раслін для вогнішча – да 30 базавых (1,2 тыс. рублёў).