Мянчанка выгульвала ўдава проста ў двары

Змяя цяпер зорка сацсетак.

Пінскія вужы? Забудзьцеся. Учора ў Instagram завірусілася значна больш эпічнае відэа, знятае ў адным з двароў на сталічнай вуліцы Някрасава: на ім дзяўчына выгульвае вялікага ўдава.

Змяя спакойна сабе грэецца на траве, але як толькі злёгку высоўваецца на ходнікі, дзяўчына акуратна адсоўвае яе нагой назад. Уся гэтая карціна выглядае настолькі штодзённа, што ў сацсетках нават надта не дзівяцца. «Нармальна, няхай пупсік шпацыруе. Не думаю, што імкліва на кагосьці накінецца, як сабака без напысніка», – пішуць у каментарах. Ну, і жартаў пра «тыповы шпацыр з маёй былой» таксама хоць адбаўляй.

Гаспадыня ўдава – мянчанка Аляксандра Сарока. Яна расказала Onlíner, што гадаванца клічуць Сэм і жыве ён у яе даволі даўно – 10 гадоў. Гуляць змяя вельмі любіць: дзяўчына выносіць Сэма ў двор у цёплы час года, калі горача і зямля прагрэтая – звычайна ў абед ці вечарамі.

Вядома, галоўнае пытанне: як рэагуюць мінакі? Аляксандра кажа, што ўдава ўсе вельмі любяць. “Мамы з дзецьмі падыходзяць, з сабакамі таксама падыходзяць. Усе просяць пагладзіць і сфатаграфаваць. Спачатку, вядома, секундны шок, але потым усе ідуць яго ціскаць. Ён у мяне дабрак, усё жыццё расце з жывёламі, да ўсіх ставіцца нейтральна».

Мяркуючы з усяго, Сэм сапраўды больш аддае перавагу не паляванню, а разняволены адпачынак. Дзяўчына падзялілася яшчэ адным відэа з дня ўжо знакамітага шпацыру: на ім удава самога ледзь не давялося ратаваць ад вароны.