Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія ўлады гатовыя абменяць арыштаванага два тыдні таму ў Нью-Ёрку "дзяржсакратара саюзу Беларусі й Расеі" Паўла Барадзіна на нямецкага грамадзяніна, які падазраецца ў шпіянажы. Зараз гэты чалавек знаходзіцца ў менскай турме. Па яго справе вядзецца сьледства. Гэта нямецкі супрацоўнік Цэнтру Маршала Крыстафер Лец. Лец, жыхар Польшчы і выхадзец адной з бальтыйскіх дзяржаваў абвінавачваюцца беларускімі ўладамі ў падрыхтоўцы негвалтоўнага зьвяржэньня прэзыдэнта Лукашэнкі. Пра гэта са спасылкаю на самога Лукашэнку яшчэ ў сярэдзіне сьнежня перадала ВВС. Пры гэтым Лукашэнка ня выключыў, што затрыманыя вялі разюведку ў галіне новых навукова-тэхнічных распрацовак для арміі.
Сустрэча Аляксандра Лукашэнкі з прадстаўнікамі творчай інтэлігенцыі краіны адбываецца ў Менску 1 лютага, у Палацы рэспублікі. У сустрэчы бяруць удзел каля 500 чалавек. Сярод іх - каля 300 дзеячаў літаратуры і мастацтва, якія прадстаўляюць творчыя саюзы і калектывы, прыкладна 60 кіраўнікоў ВНУ і навуковых установаў, каля 20 рэдактараў цэнтральных газэтаў і часопісаў. Прыкладна 120 чалавек зьяўляюцца чыноўнікамі рознага рангу, якія маюць дачыненьне да праблемаў культуры і прадстаўляюць рэспубліканскія, абласныя, гарадзкія і раённыя органы дзяржаўнага кіраваньня.
Беларусь з 1 лютага здымае на межах з Бранскай, Пскоўскай і Смаленскай вабласьцямі мытныя пасты, якія кантралявалі вываз беларускіх тавараў у Расею. Падставаю для гэтага стаў дэкрэт Лукашэнкі, які уносіць істотныя зьмены ў распараджэньне главы дзяржавы ад 4 верасня 1998 года "Аб неадкладных мерах па абароне спажывецкага рынку".
Спецыялісты юрыдычнай службы Фонду абароны галоснасьці дасьледвалі праэкт Закону РБ "Аб інфармацыйнай бясьпецы", які павінен быў быць прадстаўленым на разгледжаньне палаты прадстаўнікоў нацыянальнага сходу Рэспублікі Беларусь ў лютым 2001 г. Юрысты Фонду палічылі, што законапрэкт павінен быць адхілены і ні ў якім выпадку не прыняты.
Пракуратура Чыгуначнага раёну Віцебску скіравала на літаратуразнаўчую экспэртызу казку "Пра Зьмея Луку, пра Чыстую Руку ды пра мех панцаку". У казцы супрацоўнікі пракуратуры Чыгуначнага раёну згледзелі абразу гонару А.Лукашэнкі, - пра гэта паведаміў сябра Кансэрватыўна-хрысьціянскай партыі БНФ Уладзімер Плешчанка.
Найбуйны партал-каталёг беларускай часткі інтэрнету "Дзед Талаш" http://dt.home.by адзначае 1 лютага першую гадавіну з пачатку працы. За гэты час сайт ужо стаў адным з самых папулярных рэсурсаў у Белнэце, i пасьпяхова раскручвае на сваёй пляцоўцы добрыя маладыя праэкты. Найбольш цiкавыя i адметныя беларускiя рэсурсы узнагароджваюцца: кожны тыдзень з новых дабаўляемых рэсурсаў выбiраецца лепшы, спасылка на яго вывешваецца на кожнай старонцы парталу.
Хваляваньні рабочых трактарнага заводу, незадаволеных затрымкай з выплатай заробку за сьнежань, працягваюцца. Учора яны паспрабавалі арганізаваць стыхійную забастоўку каля будынку адміністрацыі. Некалькі дзесяткаў чалавек каля 13 гадзінаў дня сабраліся, каб разам патрабаваць ад кіраўніцтва выплаціць іх грошы.
Штотыднёвік "Брестский курьер" атрымаў 31 студзеня папярэджаньне Дзяржкамдрука аб парушэньні пункта 9 артыкулу 5 закона "Аб друку і іншых сродках масавай інфармацыі". Падставай для вынясеньня папярэджаньня стала нататка "Каб сталіца ведала", апублікаваная ў нумары ад 23-29 лістапада 2000 года. У ёй ішла размова аб дзейнасьці каардынацыйнага савета "Рэгіянальная Беларусь".
Аляксандар Лукашэнко перадаў 31 студзеня міністру замежных справаў краіны Міхаілу Хвастову "ни в коем случае не прерывать работу с находящейся уже 3 года в Минске Контрольно-наблюдательной группой ОБСЕ, вести ее в рамках консультаций и позитивного сотрудничества." Як перадае карэспандэнт РІА"Новости", ўзаемаадносіны беларускага кіраўніцтва і місіі АБСЭ ў Менску ускладніліся пасьля некаторых рэзкіх заяваў Лукашэнкі. У прыватнасьці, ён абвінаваціў кансультатыўна-назіральную групу АБСЭ ў тым, што яна спансуе беларускую апазыцыю і прыгразіў усталяваць кантроль за сродкамі кансультатыўна-назіральнай групы АБСЭ.
Меньш за два тыдні засталося да падвядзеньня вынікаў акцыі разьвячаньня аўтарытэтаў "Рок-гільятына", якая была зарганізаваная "Музыкальнай газэтай" і газэтай "Навінкі". На сайце http://gil.tut.by вы яшчэ можаце пасьпець вызначыць найгоршыя праэкты 2000 года. Шляхам усенароднага галасаваньня будуць вызначаныя пераможцы ў намінацыях "Горшая група года", "Самы нецікавы альбом", "Самая няўдалая песьня", "Самы бязсэнсоўны тэкст" і шмат астатніх. Вынікі фестывалю будуць агучаныя вечарам 5 лютага на вечарынцы ў клюбе "Медыюм".
