Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Суд над рэдактарам незарэгістраванай газэты "Вольны Горад" Сяргеям Няроўным і Вадзімам Стэфаненка, што дастаўляў гэтае выданьне ў горад Крычаў са смаленскай друкарні адбыўся 20 лютага ў Крычаве. Няроўны й Стэфаненка Вадзім Міхайлавіч былі асуджаныя па двух арт.КоАП РБ (арт.154 і 172 заўв.1) - за парушэньне правілаў прадпрымальніцкай дзейнасьці і парушэньне закону аб друку. На кожнага з гэтых асобаў быў накладзены штраф у памеры 50 мінімальных заробкаў, што складае прыкладна 180 тыс. беларускіх рублёў. На думку суда, пакараньню падлягала тое, што газэта дастаўлялася ў горад на электрычцы, і што ейны наклад перавысіў усталяваную для незарэгістраваных выданьняў мяжу ў 300 экзэмпляраў на дзьве газэты. Суду папярэднічала самая сапраўдная вайна мясцовых "органаў" з выданьнем "Вольный город"
На прэс-канферэнцыі 20 лютага начальнік Дзяржаўнага экспертна-крыміналістычнага цэнтру МУС Беларусі палкоўнік Вячаслаў Кудраўцаў адмовіўся распавядаць журналістам аб выніках экспертызы рэчавых доказаў, што праходзяць па справах аб зьнікненьні аператара ГРТ Зьміцера Завадзкага і вядомага апазыцыйнага палітыка Віктара Ганчара (разам зь ім, як вядома, зьнік прадпрымальнік Анатоль Красоўскі).
Беларускі тэлежурналіст Яраслаў Беклямішаў атрымаў палітычны прытулак у Злучаных Штатах Амэрыкі. Былы вядучы моладзевай тэлепраграмы "Крок" Яраслаў Беклямішаў быў звольнены з працы кіраўніцтвам Нацыянальнай тэлерадыёкампаніі летась у сакавіку, бо ў ягонай праграме ўзяў удзел аўтар дакумэнтальнага фільму "Звычайны прэзыдэнт" Юры Хашчавацкі.
