Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Газэце "Комсомольская правда в Беларуси" Дзяржаўны камітэт па друку вынес папярэджаньне ў сувязі з парушэньнем артыкулу 32 Закона Рэспублікі Беларусь "Аб друку і іншых сродках масавай інфармацыі". Гэты артыкул абвяшчае, што грамадзяне Рэспублікі Беларусь маюць права на своечасовае, аператыўнае атрыманьне праз сродкі масавай інфармацыі дакладных зьвестак аб дзейнасьці дзяржаўных органаў, грамадзкіх аб`яднаньняў, аб палітычным, эканамічным і міжнародным жыцьці.
Новы дакументальна-публіцыстычны фільм вядомага беларускага кінарэжысэра Юры Хашчавацкага "Богі сярпа і молата" атрымаў высокую ацэнку ўдзельнікаў прэстыжнага Берлінскага кінафестывалю, які праходзіў 7-18 лютага. У гутарцы з карэспандэнтам БелаПАН рэжысэр паведаміў, што фільм быў зроблены па заказу франка-германскага тэлеканалу ARTE пры ўдзеле польскага боку. Паказ фільма праходзіў 12, 13 і 14 лютага ў праграме маладога кіно "Форум" пры перапоўненых залах, прычым кожны з чатырох паказаў завяршаўся дзвюхгадзіннай дыскусіяй, адзначыў рэжысэр. Паводле ягоных словаў, нямецкія газэты назвалі фільм "бомбай тыдня". Спецыялістамі ЮНЕСКА карціна адабрана на міжнародны фестываль дакументальнага кіно INPUT, які сёлета адбудзецца ў Кейптаўне.
Ратыфікацыя Расейскай Дзярждумаю пагадненьня паміж Расейскай Федэрацыяй і Беларусьсю аб увяддзеньні адзінай грашовай валюты й фарміраваньні адзінага эмісійнага цэнтру "саюзнай дзяржавы" выклікала вайну камэнтараў у беларускіх дзяржаўных і апазыцыйных сродках масавай інфармацыі. Як паведамлялася, пагадненьне плянуе зь першага студзеня 2005 года адзінай грашовай адзінкі "саюзу". Яе ролю будзе выконваць расейскі рубель.
Старшыня Брэсцкага аблвыканкаму Васіль Далгалёў аб`явіў вымову двум сваім намесьнікам - Уладзімеру Сьцяпанаву й Васілю Двараніновічу. Падставаю для гэтага паслужылі праблемы з выплатамі заработнай платы. Паводле зьвестак на 16 лютага, даўгі за сьнежань на Брэстчыне склалі 590,5 мільёны рублёў. 102 з 112 запазычыўшых сваім работнікам суб`ектаў гаспадараньня - калгасы і саўгасы.
Кожная чацьвёртая сьмерць маладых эўрапейцаў ва ўзросьце ад 15 да 29 гадоў зьвязана з ужываньнем алькоголю. У розных краінах Эўропы сьмяротнасьць сярод маладзі ад ужываньня алкаголю хістаецца ад 13 да 32 адсоткаў ад агульнай колькасьці сьмяротных выпадкаў. У выніку вывучэньня гэтай праблемы ў розных рэгіёнах кантыненту былі выдзеленыя 4 групы краінаў і складзена табліца сьмяротнасьці сярод моладзі, зьвязанай з ужываньнем алькаголю. Па дадзеных эспэртаў, лідзіруе чацьвёртая група, у якую ўваходзяць Расея, Беларусь, Украіна, Літва, Латвія, Эстонія, Малдова, Казахстан і Венгрыя. Эўрапейцы рана прывыкаюць да бутэлькі. Па дадзеных апытаньня, 12 адсоткаў 11-гадовых дзяцей знаёмыя са станам ап`яненьня.
Амбасадар ЗША ў Беларусі Майкл Козак уручыць 22 лютага свае даверчыя граматы Аляксандру Лукашэнку. Пауза з уручэньнем, якая расьцягнулася па віне беларускіх уладаў на чатыры месяцы, скончылася. Кіраўнік дыпляматычнай місіі Злучаных Штатаў Амэрыкі прыехаў ў Менск у кастрычніку 2000 года. І хутка ўручыў копіі даверчых граматаў мінуламу главе зьнешнепалітычнага ведамства Уралу Латыпаву. Ліхтургі перасьледавалі Козака ўвесь гэты час.
Адказ на гэтае пытаньне будзе разглядаць сёньня Камітэт па паўнамоцтвах пры Пастаяннай камісіі АБСЭ (ПК АБСЭ) у Вене. Спэцыяльна для гэтага паседжаньня будзе прадстаўлена справаздача аб двухдзённым візыце ў Менск членаў спэцыяльнай групы ПА АБСЭ, якая пакінула нашую краіну пазаўчора. Мэтаю яе наведваньня беларускай сталіцы зьявілася ўстанаўленьне фактаў, зьвязаных з членствам Рэспублікі Беларусь у Парляманцкай асаблеі АБСЭ.
Абвінавачаньне Сяргею Калядзе, які 10 лютага быў затрыманы міліцыяй разам з Аляксандрам Чыгіром, сынам былога прам`ер-міністра Беларусі выстаўлена 20 лютага. Каляда абвінавачваецца ў набыцьці або збыце матэрыяльных каштоўнасьцяў, загадзьдзя здабытых злачынным шляхам, учыненых групай асоб па папярэдняй змове. У дачыненьні да Сяргея Каляды абрана мера стрыманьня ў выглядзе ўтрыманьня пад вартай на тэрмін да двух месяцаў.
У перыяд знаходжаньня ў Менску дэлегацыі рабочай групы Парляманцкай асамблеі АБСЭ па Беларусі с 19 по 20 лютага ў Менскім гарадзкім судзе было спынена паўторнае судовае разьбіральніцтва па справе лідара Беларускай сацыял-дэмакратычнай партыі (Народная Грамада) Мікалая Статкевіча і дэпутата Вярхоўнага Савета 13-га скліканьня Валеры Шчукіна. Яны абвінавачваюцца ў арганізацыі масавых непарадкаў падчас Марша Свабоды ў Менску 17 кастрычніка 1999 года.
ААТ "Газпрам" і ўрад Польшчы пераадолелі ўсе рознагалосьсі па пытаньні будаўніцтва газапроваду з Польшчы ў Славакію ў абход Украіны. Як паведамілі Агенцтву нафтавай інфармацыі крыніцы, блізкія да перамоўнага працэсу, бакі дасягнулі адпаведных дамоўленасьцяў падчас нядаўняга візыту главы "Газпраму" Рэма Вяхірава ў Польшчу, дзе ён сустракаўся зь міністрам эканомікі Польшчы Янушам Штэйнхоффам. Як было падкрэсьлена падчас перамоваў, "перыяд рознагалосьсяў скончыўся, пачаўся этап канструктыўнага супрацоўніцтва па гэтым праэкце".
