Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Доказы нелігітымнасьці “палаткі” зьяўляюцца і праз год 11:08, 14/11/2001
Вялікую колькасьць запоўненых бюлятнёў па выбарах дэпутата Палаты прадстаўнікоў па Бярэзінскай выбарчай акрузе №76, завераных подпісамі, былі знойдзеныя супрацоўнікамі БГК на Бярэзінскіх могілках. Пасьля паведамленьня Мікалая Ермаловіча, раённага каардынатара ЦКС па назіраньні за выбарамі, супрацоўнікі БГК і фатограф адразу выехалі на Бярэзінскія гарадзкія могілкі. На тэрыторыі могілак знаходзілася мноства бюлятнёў па выбарах, большая частка якіх ляжала ў яміне для сьмецьця, закручаная ў паперу.
Дэпутатам палаты прадстаўнікоў на выбарах 15 кастрычніка 2000 г. па Бярэзінскай выбарчай акрузе №76 стаў Пётар Іваненка, намесьнік Генэральнага пракурора Рэспублікі Беларусь.
Беларускі Гэльсынкскі камітэт мяркуе, што знойдзеныя бюлятні зьяўляюцца сапраўднымі і, магчыма, былі падмененыя падчас парлямэнцкіх выбараў, што зьяўляецца крымінальным злачынствам.
БГК зьвярнуўся ў Пракуратуру Рэспублікі Беларусь з просьбаю правесці праверку.
