Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Праграма выпуску прамысловай прадукцыі Магілёўшчыны пад пагрозаю зрыву 11:03, 22/11/2001
Прамысловасьць Магілёўскай вобласьці па выніках працы за гэты год можа не дасягнуць паказчыкаў выпуску тавараў, вызначаных прагнозам сацыяльна-эканамічнага разьвіцьця. Пра гэта заявілі 20 лістапада на пашыранай плянёрцы пад кіраўніцтвам старшыні аблвыканкаму Барыса Батуры.
Згодна папярэднім дадзеным, за дзясяць месяцаў гэта году аб’ёмы прамысловай вытворчасьці на Магілёўшчыне павялічыліся на 2,3 адсоткі да адпаведнага ўзроўню мінулага году. Гэта прыкладна на 2 адсоткі ніжэй, чым паказчыкі прагнозу на 2001 год.
Захоўваецца невялікае разыходжаньне ад прагнознага парамэтру па павелічэньні аб’ёмаў экспарту. Існуе запазычанасьць і па выплаце заробку.
Барыс Батура запатрабаваў ад кіраўнікоў прамысловых прадпрыемстваў і райвыканкамаў забясьпечыць няўхільнае выкананьне асноўных паказчыкаў прагнозу сацыяльна-эканамічнага разьвіцьця. Тым больш, што ў 2002 годзе вобласьць будзе ўключана ў экспэрымент па самафінансаваньні, для посьпеху якога прамысловым прадпрыемствам трэба будзе павялічыць аб’ём вырабляемай прадукцыі на 6-7 адсоткаў да ўзроўня прагнозу гэтага году.
