Чыгуначнікам не да сьвята :: Хартыя'97 :: Навiны

28 лістапада Беларуская чыгунка мелася сьвяткаваць свой юбілей. Але сьвята было адкладзенае на няпэўны тэрмін. 130 гадоў таму па чыгуначнай лініі Масква-Варшава пачаўся рух цягнікоў. Першы цягнік выйшаў з Воршы, таму супрацоўнікі тамтэйшага дэпо рыхтаваліся да сьвята асабліва старанна й нават замовілі на Менскім гадзіньнікавым заводзе адмысловыя гадзіньнікі з выявамі помніка К. Заслонаву й паравоза. Меркавалася, што на ўрачыстым паседжаньні будуць узнагароджаныя кожны другі з 1,5-тысячнага калектыву чыгуначнікаў. Аднак сьвяткаваньням перашкодзіў арышт кіраўніка Беларускай чыгункі Рахманько. Цяпер у Воршу наехала правяральшчыкаў з Камітэту фінансавых расьсьледаваньняў.

Сьвята ў Воршы спэцыяльна плянавалася загадзя, каб аршанцы пасьпелі прыняць удзел ва ўрачыстым сходзе чыгуначнікаў у Менску, што плянаваўся на 28 лістапада. На ім разам з зоркамі расейскай эстрады меўся выступіць і Аляксандар Лукашэнка. Ён і зрабіў усім “падарунак” – аб’явіў тыдзень таму аб крымінальнай справе супраць Рахманько.