Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аварыя на газапровадзе Таржок – Менск – Івацэвічы 11:12, 04/02/2002
На адводным участку магістральнага газапроваду Таржок – Менск — Івацэвічы РУП “Белтрансгаз” у раёне вёскі Камень Лепельскага раёну сёньня каля 5:00 адбыўся прарыў. Пра гэта карэспандэнту ІА “Росбалт” паведамілі ў Міністэрстве па надзвычайных сытуацыях Рэспублікі Беларусь. Паводле інфармацыі міністэрства, у выніку прарыву адбылося ўзгараньне й факельнае гарэньне прыроднага газу.
А 5:20 дыспетчарская служба Крупскага Ўпраўленьня магістральных газапровадаў спыніла падачу газу ў газапровад. У выніку без газазабесьпячэньня засталіся 7 населеных пунктаў на тэрыторыі Віцебскай вобласьці - Чашнікі, Ушачы, Полацак, Бешанковічы, Обаль, Шуміліна, Наваполацк. Спынена падача газу на вытворчае аб’яднаньне “Нафтан”. Усе сыстэмы жыцьцязабесьпячэньня і цеплазабесьпячэньня спажыўцоў на дадзены момант пераведзеныя на мазутнае паліва. Падача пару на тэхналягічныя ўстаноўкі ВА “Нафтан” ажыцьцяўляецца ад Наваполацкай ТЭЦ 2.
На дадзены момант пагрозы населеным пунктам не існуе, як і жыцьцязабесьпячэньню насельніцтва. Супрацоўнікі канцэрну “Белтрансгаз” прымаюць меры па аднаўленьні пашкоджанага адводнага ўчастку газапроваду і аднаўленьню газазабесьпячэньня.
