Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У сваім выступе ў судзе Ленінскага раёну гораду Менску, на працэсе па справе Аляксандра Чыгіра, Антона Яшына, Зьмітра Юцкевіча ў якасьці абаронцы свайго сына Юлія Чыгір заявіла аб тым, што справа супраць ейнага сына сфабрыкаваная. Юлія Чыгір нагадала, што справа супраць сына была распачатая напярэдадні прэзыдэнцкіх выбараў. У сваім выступе ў паўтары гадзіны яна падрабязна распавяла аб дзеяньнях сьледчай групы, якія выходзілі, на яе думку, за рамкі закону. “Цалкам адсутнічаюць падставы верыць, што сьледзьва было аб’ектыўным”, -- зрабіла рэзюмэ Юлія Чыгір.
Да пачатку чарговай палітычнай кампаніі часу яшчэ дастаткова – выбары ў мясцовыя Саветы дэпутатаў павінны прайсьці ўвосень гэтага году. Аднак беларускія ўлады, кіруючыся, напэўна, прынцыпам, “рыхтуй сані ўлетку, а воз узімку”, ужо пачалі падрыхтоўку да будучай выбарчай кампаніі. На мінулым тыдні члены “парлямэнцкай” Сталай камісіі па правох чалавека, нацыянальных зносінах і СМІ прынялі рашэньне аб тым, каб уключыць на павестку дня вясновай сэсіі законапраэкту аб папраўках у Закон “Аб палітычных партыях”.
Рабочыя прадпрыемства “Гроднотекстиль” высунулі ўльтыматум кіраўніцтву свайго прадпрыемства. Падпісалі ўльтыматум генэральнаму дырэктару Віталю Быкаву 154 рабочых. Яны запатрабавалі, каб 27 лютага ім выплацілі заробак за сьнежань і студзень. За сьнежань зь імі разьлічыліся. За студзень грошы пачалі выплочваць толькі сёньня. Але ў бугальтэрыі паведамілі, што выдаць студзеньскія заробкі цалкам пакуль немагчыма. Рабочыя папярэдзілі, што ў такім выпадку правядуць 11 сакавіка папераджальную забастоўку, паведамляе Радыё Свабода.
Падаткавыя органы Беларусі маюць намер змагацца з фактамі выплаты заробку “у капэртах”, заявіў намесьнік міністра па падатках й зборах Аляксандар Дарашэнка. Асноўная мэта – прыватныя прадпрыемствы, бо на дзяржаўных прадпрыемствах “дастаткова добры ўлік й добры кантроль”, дічыць Дарашэнка. “У асноўным гэта суб’екты гаспадараньня недзяржаўнай формы ўласнасьці, як прадпрымальнікі без утварэньня юрыдычнай асобы, так і юрыдычныя асобы, якія маюць роныя формы ўласнасьці, акрамя дзяржаўнай”, -- падкрэсьліў Дарашэнка.
Лідэр выбарчага блёку”НашаЎкраіна” Віктар Юшчанка ня выключае магчымасьці фальсыфікацыі вынікаў парлямэнцкіх выбараў. Пра гэта ён заявіў сёньня на прэсавай канфэрэнцыі ў Луганску, адказваючы на пытаньні журналістаў, датычныя заявы лідэра СДПУ (А) Віктара Мядзьведчука аб немагчымасьці фальсыфікацыі на выбарах-2002.
Уначы з 26 на 27 лютага быў разгромлены моладзевы выбарчы штаб Блёку Юліі Цімашэнкі ў Кіеве, а аргтэхніка зьнічтожаная. Пра гэта УНИАН паведаміў кіраўнік штабу блёку Аляксандар Турчынаў. Акрамя таго, паводле словаў Тупчынава, 26 лютага ў кватэры намесьніка кіраўніка штабу Яраслава Фядарчука невядомыя выламілі ўваходныя дзьверы й правялі дагляд асабістых рэчаў, падобны на несанкцыянаваны вобшук і пагром. Паводле словаў Турчынава, відавочным зьяўляецца тое, што невядомых цікавілі дакумэнты, зьвязаныя з прафэсыйнай дзейнасьцю Фядарчука.
Цэнтар палітычнага аналізу й касультацыі пры часопісе “Політична думка” агучыў вынікі апытаньня адснона электаральных настроеў у грамадзтве. Пасьля апытаньня 30 тысячаў рэспандэнтаў, сацыёлягі атрымалі вынікі, згодна якіх лідэрамі рэйтынгаў на сёньня зьяўляюцца “Наша Ўкраіна”, КПУ і блёк Юліі Цімашэнкі. У агуле, згодна апытаньням, у парлямэнт трапіла б 7 партыяў і блёкаў.
Крытычная сытуацыя на прадпрыемствах лёккай прамысловасьці Гомельскай вобласьці абмяркоўвалася на сумеснай нарадзе гомельскага аблвыканкаму й рэспубліканскага канцэрну “Беллегпрам”, якое адбылося 26 лютага ў Гомлі. На нарадзе ўдзел прымалі старшыня аблвыканкаму Аляксандар Якабсан і першы віцэ-прэзыдэнт канцэрну Ўладзімер Астроўскі, а таксама кіраўнікі ўсіх прадпрыемстваў лёккай прамысловасьці рэгіёну. Як заявіў Якабсан, перадае БелаПАН, сытуацыя ў лёккай прамысловасьці настолькі цяжкая, што ён нават аддае ёй прыярытэт перад пасяўной кампаніяй. Прадпрыемствы галіны не выконваюць ніводны даведзены ім паказчык эканамічнага разьвіцьця.
Нарада па праблемах маслатлушчавай галіны рэспублікі адбылася ў аўторак, 26 лютага, з удзелам віцэ-прэм’ера Аляксандра Папкова. Сытуацыя тут больш чым сумная. Напрклад, яшчэ паводле дадзеных на 1 лістапада 2001 году, агульная пазыка чатырох прадпрыемстваў гэтай галіны складаў 32225 млн рублёў. (Гомельскі тлушчавы камбінат — 18365 млн рублёў, Віцебскі маслаэкстракцыйны завод — 7602 млн рублёў, Менскі маргарынавы завод — 5877 млн рублёў, Бабруйскі завод алею — 381 млн рублёў).
Літоўская энэргетычная кампанія “Летувос Энэргія” ў чарговы раз аб’явіла конкурс па продажы беларускай энэргетычнай пазыкі. Яна ўтварылася ў 1998-1999 гадах. Агульны аб’ём рэшты пазыкі, вынесенай на продаж сёлета, складае каля 31 мільёна даляраў.
Звыш двух трацін незаконных мігрантаў прыбываюць ва Ўкраіну з тэрыторыі Расеі й Беларусі. Каб супрацьдзейнічаць гэтаму нежаданаму патоку замежных грамадзян на украінска-расейскай і ўкраінска-беларускай дзяржаўнай мяжы ствараецца пояс абароны. Пра гэта сёньня на прэсавай канфэрэнцыі ў Адэсе паведаміў начальнік галоўнага штабу Памежных войскаў Украіны генэрал-палкоўнік Павал Шышолін.
Генэральны Сакратар Рады Эўропы Вальтэр Швімэр даслаў адказ на ліст, адпраўлены яму ў студзені жонкамі рэпрэсаваных беларускіх апазыцыянэраў - Людмілай Карпенкай, Вольгай Захаранкай, Зінаідай Ганчар, Ірыный Красоўскай, Тацянай Клімавай і Сьвятланай Завадзкай. Прыводзім тэкст ліста Вальтэра Швімэра цалкам:
Слушание по делу об оскорблении чести и достоинства Александра Лукашенко Слуханьні па справе ў абразе гонару й годнасьці Аляксандра Лукашэнкі працягвалася 26 лютага ў Шклоўскім раённым судзе. У якасьці абвінавачаных выступаюць пяць мясцовых актывістаў руху ЗУБР, якія апранулі маскі з вусамі й правялі перадвыбарчы пэрфоманс у вёсцы Гарадзец, дзе каліцьсі дырэктарам саўгасу працаваў Аляксандар Лукашэнка. Чарговае паседжаньне суда пачалося з замены адваката абвінавачаных – адваката Магілёўскага праваабарончага цэнтру Валеры Лабузава замянілі на свайго сталічнага калегу. Прадстаўнік руху ЗУБР паведаміў, што новы адвакат шклоўскіх актывістаў Супелка мае досьвед у такога кшталту працэсах.
Адміністрацыя Маскоўскага раёну сталіцы вырашыла хадайнічаць перад судом ў справе пазбаўленьня бацькоўскіх павоў памочнцы пракурора Менскага раёну Тамары Князевай. Факт зьбіцьця ейнага 10-гадовага прыёмнага сына Мікіты Князева юрысты прызнаюць за катаваньне.
Кіраўніцтва нацыянальнай тэлевізіі Малдовы пагадзілася даць этыр журналістам тэлеканалу, якія далучыліся да акцыі апазыцыі ў Кішынёве. У аўторак яны патлумачылі, што на тэлевізіі ўведзеная цэнзура й пачалі забастоўку пратэсту. Зараз згодна папярэдняй дамоўленасьці, штодзённа ў этыры дзяржаўнае кампаніі “Тэлерадыё-Малдова” будуць трансьлявацца аб’ектыўныя рэпартажы зь месца правядзеньня акцыі пратэсту, перадае “Интерфакс”.
Незалежны прафсаюз вытворчага аб’яднаньня “Палімір” атрымаў дазвол на правядзеньне 27 лютага гарадзкога мітынгу. Акцыю падтрымае незалежны прафсаюз прыватных прадпрымальнікаў Наваполацку. У ёй будуць прымаць удзел і актывісты мясцовай арганізацыі Аб’яднанай грамадзянскай партыі. Паводле словаў арганізатараў мітынгу, акцыя праводзіцца ў гонар пратэсту зьніжэньня ўзроўню жыцьця насельніцтва й уціску ўлады правоў прафсаюзаў і працоўных. Прафсаюзы зьвярнуліся да жыхароў Наваполацку з просьбай падтрымаць пратэст і патрабаваць таксама ад мясцовай улады вырашыць праблему міні-рынкаў і ўплаты падаткаў з улікам магчымасьцяў і патрэбаў гараджан.
Калектывы двух буйнейшых прадпрыемстваў нафтахіміі РУА “Нафтан” і РУП “Палімір” у лютым на сваіх канфэрэнцыях прынялі рашэньне аб акцыянаваньні. Абодва прадпрыемствы маюць вострую патрэбу ў рэканструкцыі й мадэрнізацыі вытворчасьці. Толькі мадэрнізацыя установак “Нафтану” абыйдзецца ў 246 млн.даляраў. Акрамя таго, плянуецца “ажывіць” устаноўку АТ-8, якая з-за недахопу сыравіны ўжо прастойвае больш за 10 гадоў. З аналягічнымі патрэбамі сутыкаецца і “Палімір”. Склады аб’яднаньня заваленыя гатовай прадукцыяй. Яна неканкурэнтназдольная. Каб зьменшыць выдаткі на вытворчасьць прадукцыі й павысіць ейную якасьць, таксама абыйсьціся без мадэрнізацыі вытворчасьці, прадпрыемствы губляюць рынкі збыту. І вярнуцца на іх будзе няпроста. “Нафтан” ужо выцясьнілі з Украіны.
Рэспубліканскае ўнітарнае прадпрыемства “Хімвалакно” пачало ільготны продаж акцыяў. Продаж ажыцьцяўляўся ў сувязі з пераўтварэньнем яго ў ААТ. Як адзначылі на “Хімвалакно”, доля акцыяў, якія належаць работнікам прадпрыемстваў, будзе залежыць ад попыту на іх, перадае ІА “ЭКОПРЕСС”. Нагадаем, што акцыянаваньне магілёўскага “Хімвалакно” ажыцьцяўляецца ў рамках разьдзяржаўліваньня шэрагу буйных прадпрыемстваў Беларускага дзяржаўнага канцэрну па нафце й хіміі. У лік першых зь іх уваходзяць таксама ВА “Нафтан”, ВА "Палімір", ДВА “Азот”, БШК "Белшына", СВА "Хімвалакно".
Беларускі металюргічны завод скарачае выдаткі на сацыяльную падтрымку сваіх работнікаў. Рашэньне аб гэтым кіраўніцтва прадпрыемства прыняла ў сувязі са складаным эканамічным становішчам заводу. Вырашана цалкам спыніць фінансаваньне капітальнага будаўніцтва. Выключаныя таксама даплаты на аздараўленьне работнікам, якія сыходзяць у чарговы адпачынак; штомесяцовы дадатак тым, хто стаіць на чарзе на атрыманьне кватэры й здымае жыльлё; аказаньне аднаразовай дапамогі работніку ў выпадку сьмерці члена ягонай сям’і й сям’і памерлага работніка, а таксама звольненым ў запас вайскоўцам, якія працавалі на заводзе да прызыву ў армію.
