Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вялікабрытанія ўнесла Беларусь у сьпіс краін, у чыім арсэналі ёсьць балістычныя ракеты 11:04, 02/05/2002
Міністэрства абароны Вялікабрытаніі агучыла сьпіс краін, якія маюць балістычныя ракеты. Пры гэтым на думку брытанскага кіраўніцтва, з 28 краін, якія ўвайшлі ў гэты сьпіс, патэнцыйна пагражаюць толькі пяць – Іран, Ірак, Лібія, Сырыя, Паўночная Карэя, перадае IRNA.
Хаця ў ваенным ведамстве Вялікабрытаніі мяркуюць, што на дадзены момант гэтыя краіны не прадстаўляюць “сур’ёзнай рэальнай пагрозы для Злучанага Каралеўства”, улады адзначаюць, што “за некалькі гадоў гэтая пагроза, магчыма, будзе нарастаць”.
На Блізкім Усходзе дадзеным відам узбраеньняў валодаюць Эгіпет, Ізраіль, Саўдаўская Арабія, Аб’яднаныя Арабскія Эміраты і Емэн. У лік сярэднеазіяцкіх дзяржаў увайшлі Аўганістан, Казахстан і Туркмэністан. У сьпіс дзяржаваў, у чыім ваенным арсэналі ёсьць балістычныя ракеты, уключаныя таксама Пакістан, Індзія, Паўднёвая Карэя, Вьтнам, Беларусь, Украіна, Баўгарыя, Чэхія, Славакія й Польшча.
