Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі значна павялічылася колькасьць стратных прадпрыемстваў 11:01, 02/04/2003
Паводле дадзеных Міністэрства статыстыкі і аналізу, на 1 лютага іх налічвалася 5635, ці 48,6% ад агульнай колькасьці прадпрыемстваў. Найбольшая ўдзельная вага прадпрыемстваў Магілёўскай вобласьці – 60,2%.
Далей ідуць Віцебская - 59,1, Гомельская - 55,4, Менская - 53,1, Берасьцейская - 46,5, Гарадзенская - 44,9 і горад Менск – 26%. У прамысловасьці доля стратных прадпрыемстваў дасягнула 43,6%, у будаўніцтве - 45,8, на транспарце - 48,7, у жыльлёва-камунальнай гаспадарцы - 34,7, у гандлі і грамадзкім харчаваньні - 47,1, у невытворчых відах бытавога абслугоўваньня насельніцтва - 41,7, у сфэры сувязі - 57,5%. Сума стратаў у агуле па эканоміцы за студзень 2003 году дасягнула 88,1 млрд. рублёў, у тым ліку у прамысловасьці - 36,5 млрд., сельскай гаспадарцы - 10,5 млрд., гандлі й грамадзкім харчаваньні - 9,9 млрд., жыльлёва-камунальнай гаспадарцы і на транспарце - па 8 млрд. рублёў.
