Улады прыпынілі выхад «Рэгіянальных ведамасьцяў» :: Хартыя'97 :: Навiны

На тры месяцы прыпынена дзейнасьць ліцэнзіі на выданьне штотыднёвіка “Рэгіянальныя ведамасьці”. Гэта незалежная газэта выдаецца ў горадзе Горкі Магілёўскай вобласьці й мае наклад 4 тысячы асобнікаў.

Міністэрства інфармацыі й друку прад’явіла газэце шэраг прэтэнзіяў. У міністэрстве лічаць, што цяперашняя тэматыка, тэрыторыя распаўсюджаньня, пэрыядычнасьць і мова “Рэгіянальных ведамасьцяў” не адпавядаюць інфармацыі, якая была заяўлена пры рэгістрацыі.

У дэмакратычным асяродзьдзі Горак прычыны прыпыненьня ліцэнзіі лічаць за фармальныя і гавораць пра палітычныя матывы, бо “Рэгіянальныя ведамасьці” выказвалі адрознае ад афіцыйнага гледзішча на палітычную сытуацыю ў краіне — у прыватнасьці, на рэфэрэндум, паведамляе «Радыё Свабода».
Минск, Белоруссия