Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З малодшага брата Сяргея Скрабца зьнятыя абвінавачаньні 12:31, 10/06/2005
Сёньня Аляксандар Скрабец быў выкліканы да сьледчага Берасцейскай пракуратуры Андрэя Ліванава, які вядзе справу яго брата, актывіста апазіцыі, былога дэпутата і лідара групы “Рэспубліка” Сяргея Скрабца і самога Аляксандра. Аляксанадр Скрабец праходзіў як суўдзельнік у справе старэйшага брата – "прысутнічаў пры размове, якую вёў Сяргей Скрабец з тымі людзьмі, якія пасьля паведамілі, што Скрабец прапаноўваў ім хабар".
Аляксандар Скрабец быў на тры дні арыштаваны, знаходзіўся ў Берасьцейскім СІЗА, ён даў паказаньні. Пасьля гэтага быў адпушчаны пад падпіску аб нявыезьдзе.
Сёньня, паводле Аляксандра Скрабца, сьледчы паведаміў, што абвінавачаньні супраць яго асабіста зьнятыя і мера стрыманьня - падпіска аб нявыезьдзе - ліквідуецца.
Аляксандар Скрабец паведаміў “Радыё Свабода”, што прапанаваў сьледчаму замяніць старэйшага брата ў вязьніцы, каб Сяргея Скрабца адпусьцілі паправіць здароўе пасля галадоўкі, якую ён трымае з 15 траўня. На што сьледчы Ліванаў адказаў, што такое не практыкуецца. Минск, Белоруссия
