Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Судзяць людзей, якія несьлі ежу на Кастрычніцкую плошчу 12:47, 21/03/2006
У судзе Цэнтральнага раёну Менску пачалі судзіць затрыманых увечары і ўначы людзей, якія намагаліся перадаць на Кастрычніцкую плошчу цёплыя рэчы і харчы. На падыходах да Кастрычніцкай плошчы байцы спэцназу міліцыі затрымлівалі кожнага, хто меў пры сабе вялікія торбы або тэрмас.
Як паведамляе "Радыё Свабода", сярод затрыманых давераныя асобы Аляександра Мілінкевіча – Анатоль Лябедзька, Аляксандар Дабравольскі, і адзін зь лідэраў Партыі БНФ Аляксей Янукевіч.
Судзьдзя Цэнтральнага суду Аляксей Бычко ўжо пакараў арыштам на 10 сутак Дзяніса Дзюбу, Сьвятаслава Сокала і Аляксандра Сьцяпанава са Смаленску.
Міліцыянты абвінавацілі іх у дробным хуліганстве.
На затрыманых складаліся пратаколы паводле гэтага артыкулу, а таксама за парушэньне грамадзкага парадку ў часе правядзеньня масавых мерапрыемстваў.
