Лукашэнка: Пасля распаду СССР толькі мы захавалі адносіны з Кубай :: Хартыя'97 :: Навiны

Куба з`яўляецца адным з прыярытэтаў знешняй палітыкі Беларусі. Аб гэтым заявіў сёння Аляксандр Лукашэнка на сустрэчы са старшынёй Нацыянальнай асамблеі народнай улады Кубы Рыкарда Аларконам дэ Кесада. "Думаю, нам няма сэнсу сёння канцэптуальна разглядаць нашыя ўзаемаадносіны, паколькі мы даўно маем абсалютна пэўныя накірункі супрацоўніцтва", – падкрэсліў беларускі кіраўнік. Ён адзначыў, што Беларусь і Кубу звязваюць цёплыя ўзаемаадносіны яшчэ з часоў існавання СССР. І ў той перыяд Куба з`яўлялася для Беларусі адным з важных знешнепалітычных прыярытэтаў.

Аляксандр Лукашэнка асабліва падкрэсліў той факт, што пасля распаду Савецкага Саюза Беларусь засталася практычна адзінай краінай, якая захавала адносіны з Кубай у ранейшым ключы. "Мы захавалі пераемнасць той добрай знешняй палітыкі ў дачыненні да Кубы, якая была падчас СССР, і на Кубе гэта шануюць", – сказаў Лукашэнка.