Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Алена Захожая страціла прытомнасць і дастаўленая ў шпіталь 16:13, 31/10/2006
Актывістка Беларускага незалежнага прафсаюза Алена Захожая была сёння дастаўленая ў прыёмны пакой "Марзонаўскага" шпіталя г.Бабруйска. Жанчына, якая галадала ўжо 29 дзён, страціла прытомнасць на працоўным месцы.
У дадзены момант аб стане Алены Захожай прэс-цэнтру Хартыі’97 стала вядома наступнае – у яе высокі артэрыяльны ціск, тахікардыя, змена ў міякардзе. Пасля медыцынскага агляду Алена Захожая была змешчаная ў палату №15 нефралгічнага адзялення шпіталя.
Нагадаем, што прафсаюзная актывістка праводзіць галадоўку з 3 кастрычніка. Жанчына патрабуе зарэгістраваць першасную арганізацыю Беларускага незалежнага прафсаюза на прадпрыемстве ў органах мясцовай улады (для гэтага неабходна, каб ААТ "Белшына" надало пяршоўцы юрыдычны адрас, але наймальнік адмаўляецца гэта рабіць), выплаціць сябрам БНП прэміі і даплаты на аздараўленне, якія ўжо атрымалі астатнія працаўнікі прадпрыемства.