Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Камітэт дзяржаўнага кантролю ўзмацніць спагнанне са службовых асоб за непрыняцце мер па зваротах грамадзянаў, заявіў у сераду журналістам у Магілёве старшыня КДК Беларусі Зянон Ломаць па выніках “прамой лініі” па тэлефоне, якую ён праводзіў на працягу трох гадзін з жыхарамі Магілёўскай вобласці, перадае “Інтэрфакс”. “Кантроль будзе больш жорскім у рамках дзеючага прававога поля. Парушальнікам дзеючага заканадаўства літасці не будзе”, – падкрэсліў старшыня КДК.
Па словах старшыні КДК, “звяртае на сябе ўвагу тое, што шматлікія пытанні, з якімі сёння звярталіся людзі, ставяцца да сферы дзейнасці выканаўчай улады на месцах”. “Судзячы па гутарцы з людзьмі, можна зрабіць выснову, што на месцах выканаўчай улады трэба больш займацца справай, камунальна-бытавымі пытаннямі”, – сказаў З. Ломаць.
Разам з гэтым ён дадаў, што “мы будзем наводзіць парадак, але жорстка пытаючы са службовых асоб мясцовай выканаўчай улады”.
“Сёння шмат званкоў было з Хоцімска, Горак, Краснаполья”, – сказаў З.Ломаць, дадаўшы, што “усе пытанні, якія паступілі, будуць прааналізаваныя, іх рашэнне ўзята на кантроль, а людзі атрымаюць адказы”.
