Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія вайскоўцы не падтрымаюць рашэнне Расеі ў дачыненні ДОВСЕ 15:26, 18/07/2007
Беларускія вайскоўцы не лічаць мэтазгодным вырабляць "практычныя меры" ў сувязі з абвяшчэннем Расеяй мараторыя на выкананне палажэнняў Дамовы аб звычайных узброеных сілах у Еўропе (ДОВСЕ), заявіў у сераду ў Берасці падчас прымежнай сустрэчы начальнікаў генеральных штабоў Узброеных сілаў Беларусі і Украіны начальнік генеральнага штаба Узброеных сілаў Беларусі генерал-лейтэнант Сяргей Гурулёў.
"Пазіцыя вайсковага ведамства: мы з Расеяй згодныя ў той частцы, што Расея робіць папераджальны крок, але мы не лічым мэтазгодным прымаць практычныя меры таму, што нельга разбалансаваць гэтую дамову, тым больш стварыць сітуацыю, калі яна не будзе працаваць", – сказаў С.Гурулёў.
На яго думку, Расея заняла "чакальную пазіцыю, якая матывавала б іншыя дзяржавы змяніць стаўленне да ДОВСЕ".
"Мы з`яўляемся ўдзельнікамі дамовы, мы яе ратыфікавалі, і добра разумеем, што дамова патрэбная, хоць у цяперашнім стане яна цалкам не адпавядае дамове 1990 года", – дадаў С.Гурулёў.
