Еўропу турбуе газавая спрэчка Масквы і Менска :: Хартыя'97 :: Навiны

Еўразвяз сур`ёзна ацэньвае расейска-беларускую газавую спрэчку і заклікае абодва бакі неадкладна вырашыць праблемы мірным шляхам, заявіў прадстаўнік Еўракамісіі Марцін Селмайер, паведаміла агенцтва Bloomberg.

У выпадку неабходнасці, па словах Марціна Селмайера, можа быць скліканая нарада экспертаў па гэтым пытанні ўжо на наступным тыдні, паведамляе «Інтэрфакс».

"Мы ўспрымаем гэтыя падзеі вельмі сур`ёзна, – дадаў М.Селмайер. – Мы заклікаем абодва бакі неадкладна заняцца развязаннем гэтага пытання мірным шляхам".

У той самы час GasTerra BV, другі па велічыні экспарцёр прыроднага газу ў Еўразвязе, заявіў пра тое, што рашэнне ААТ "Газпром" аб скарачэнні паставак газу ў Беларусь не паўплывае на пастаўкі ў Еўразвяз. ААТ "Белтрансгаз" працягне здзяйсняць пастаўкі газу ў Еўропу, мяркуе прадстаўнік GasTerra Бэн Уорнер.