Грамадзянская кампанія «За Свабоду» папярэджвае пра правакацыі :: Хартыя'97 :: Навiны

7 жніўня гарадзенскай грамадзкай актывісцы Кацярыне Бычак патэлефанавала невядомая дзяўчына і прапанавала далучыцца да Грамадзянскай кампаніі "За Свабоду". Дзяўчына не прадставілася, але прапанавала актывісцы сустрэцца на выходных у Гародні.

Тэлефанаваўшая дзяўчына паведаміла, што Кацярына пакідала свой нумар на "Басовішчы", але актывістка не была на названым фэсце, і, натуральна, не магла нікому пакінуць нумар свайго мабільнага тэлефону.

Так як Грамадзянская кампанія "За Свабоду" не мае фіксаванага сяброўства, а мае толькі прыхільнікаў - людзей якія падзяляюць каштоўнасьці прапагандуемыя кампаніяй, то ўсялякія запрашэньні далучыцца з`яўляюцца правакацыямі.

Прадстаўнікі грамадзянскай кампаніі папярэджваюць, што калі вам, ці вашым знаёмым будзе прапанавана такім чынам далучыцца да кампаніі, не паддавайцеся на правакацыі і як мага хутчэй паведамляйце журналістам пра падобныя выпадкі.

Магчыма, падобныя тэлефанаваньні ажыцяўляюць супрацоўнікі КДБ, каб справакаваць моладзь і стварыць падставу дзеля ўзбуджэньня крымінальных справаў за ўдзел у незарэгістраваных арганізацыях.