Страйкі салігорскіх шахтароў: 1991 - 2007 (фота) :: Хартыя'97 :: Навiны

Шахтары Салігорска 9 верасня 2007 года правялі папяраджальны страйк. Забастоўшчыкі выкарасталі “італьянскі” метад – зпусціліся пад зямлю, але не пачалі працу з-за парушэнняў тэхнікі бяспекі. Ад самага пачатку існаванья незалежнай Беларусі шахтары Салігорску адкрыта змагаліся за свае сацыяльна-эканамічныя правы. Яны былі аднымі з першых на савецкай прасторы, хто наважыўся выйсьці на вуліцу дзеля абароны сваіх правоў. Страйкі салігорскіх шахтароў былі найпершымі і найбуйнейшымі ў СССР.

САЛІГОРСК.org прапануе вашай увазе найвыдатныя дасягненьні і падзеі з гісторыі салігорскага працоўнага руху.

Красавік, жнівень 1991 году: Страйкі шахтароў нізкіх лаў 3РУ і 4РУ.

Сакавік - красавік 1992 году: Страйк рабочых ВА "Беларуськалій" працягласьцю 44 дні.

Красавік 1992 году: Галадоўка пратэсту страйкуючых шахтароў і чальцоў іх семьяў. У галадоўцы ўдзельнічалі Юргевіч Іван, Арыстаў Канстанцін, Каралёў Аляксандар, Варышнюк Уладзімір, Варышнюк Ала, Бародка Аляксандар (шпіталізаваны), Лобаў Мікалай, Дубоўскі Аляксандар.

1992 год: Марш пратэсту шахтароў "Салігорск - Менск".

23 сакавіка - 1 красавіка 1992 году: Нявыхад з шахты працоўных 3РУ Доўнара Аляксандра і Шагойка Валерыя.

16 - 17 кастрычніка 1996 году: Марш пратэсту шахтароў "Салігорск - Менск".

4 кастрычніка 1998 году: Марш пратэсту ў Салігорску. Мітынг. Пікет з удзелам 600 працоўных.

4 лістапада 1998 году: Мітынг пратэсту ў Салігорску з удзелам 3000 працоўных.

30 красавіка - 1 траўня 1999 году: Эстафэта пратэсту "Салігорск - Менск".

Цягам сваіх сталых пратэстаў шахтарам удалося дамагчыся шэрагу сацыяльна-эканамічных заваёў, сярод якіх:

- падпісаньне першага ў краіне тарыфнага пагадненьня;
- падпісаньне часовага пагадненьня ў красавіку 1992 года і рост заробкаў у 3,4 разы;
- падпісаньне дамоў паміж НПГ і наймальнікам;
- шматразовае падвышэньне тарыфных ставак і акладаў;
- скарачэньне на 1 гадзіну працоўнага часу для падземных працаўнікоў;
- павелічэньне адпачынку для працаўнікоў занятых на падземных работах да 66 дзён;
- падвышэньне каэфіцыэнта па тэхналягічным відам работ і ўмовам турда для працаўнікоў забоя і фабрык;
- увядзеньне на прадпрыемтсве сяміразраднай тарыфнай сеткі;
- павелічэньне шахтарскай пэнсіі ў 2 разы ў 1999 годзе;
- увядзеньне мэханізма выплат штомесячнага ўзнагароджаньня за выслугу год;
- укараненьне на прадпрыемстве мэханізма дадатковага пэнсійнага забесьпячэньня;
- адмена рашэньня аб утрыманьні падаходнага падатка з выходнай дапамогі і павелічэньне яе памера да 9 сярэднемесячных зарокаў;
- увядзеньне пачасова-прэміяльнай сыстэмы для працуючых па зьдзельнай сыстэме аплаты працы;
- увядзеньне сыстэм даплат да асноўнага заробка за выкананьне абавязкаў часоваадсутніючагапрацаўніка, за сумяшчэньне прафэсій, за пашыраную зону абслугоўваньня;
- увядзеньне разнастайных відаў матэрыяльнай дапамогі, дадаткова аплочваемых дзён, сістэмы кампэнсацыі выдаткаў на сілкаваньне, праезд да месца працы, за найм і паднайм жылога памяшканьня.