Леаніда Навіцкага арыштавалі за сцягі Еўразвяза :: Хартыя'97 :: Навiны

Як стала вядома прэс-цэнтру Хартыі’97, дэмакратычны актывіст Леанід Навіцкі быў арыштаваны 21 верасня за тое, што пры ім былі знойдзеныя сцягі Еўрапейскага Звязу. Леанід Навіцкі трэція суткі знаходзіцца ў спецпрыёмніку-размеркавальніку на Акрэсціна. Паводле папярэдняй інфармацыі, заўтра яго маюць намер судзіць за падрыхтоўку Еўрапейскага Марша.

Дзеянні беларускіх улад выглядаюць дзіўнымі і непаслядоўнымі. З аднаго боку, яны заяўляюць пра жаданне нармалізаваць стасункі з Еўразвязам, з другога – развязваюць рэпрэсіі супраць уласных, па-праеўрапейску настроеных, грамадзян.

Нагадаем, што апазіцыя прапанавала ўладам правесці Еўрапейскі Марш сумесна. Мірнае правядзенне Марша адкрые перад Беларуссю, якая апынулася на мяжы эканамічнага крызісу, перспектывы супрацоўніцтва з Еўразвязам.