Актер Павел Харланчук: «Почтить память тех людей, которые основали БНР»

25 марта Беларусь празднует 90 лет со дня провозглашения Белорусской Народной Республики. Чем является годовщина провозглашения БНР для сегодняшней Беларуси? Бывший актер театра имени Горького, уволенный оттуда по политическим мотивам, Павел Харланчук, предполагает, что главное в праздновании Дня Воли - это очистить белорусскую историю от советской пыли и почтить память тех людей, которые основали БНР.

У інтэрвію “Радыё Свабода” Павал Харланчук, беларускі актор і рэжысэр, звольнены з тэатру імя Горкага вясной 2006-га году з палітычных прычын, распавёў свае меркаваньні, як варта адсьвяткаваць Дзень Волі.

- Мая мара была б такая: каб селі гісторыкі, 2 ці 3, каб гэта была размова, а не адзін чалавек з экрану “вяшчаў”... І каб яны гутарылі пра тое, што насамрэч гэтая дата сабой уяўляе. Каб знаныя гісторыкі, дасьледчыкі друкавалі свае артыкулы на гэтую тэму, каб дыскі, можа, распаўсюджвалі з гісторыяй БНР, дакумэнтальныя фільмы... Каб шэсьце было не СУПРАЦЬ, а ЗА – за тое, каб ушанаваць памяць тых людзей, якія заснавалі БНР...

Мне асабіста не хапае інфармацыі, што насамрэч было – бо колькі нам запэцкалі гісторыі сапраўднай... То я б хацеў ачысьціць гэтую гісторыю. А калі салюты ў гэты дзень будуць, гэта ўсё адно не адлюструе сапраўднай гісторыі і не дадасьць інфармацыі і сьвяточнасьці.

- А для Вас асабіста – чым ёсьць гэты дзень?

- Я шчыра прызнаюся – я пра гэтае сьвята з пункту гледжаньня нашай гісторыі ведаю ня так нядаўна - я, можна сказаць, ахвяра нашай савецкай пазбаўленасьці гісторыі. Ну, можа і чуў нешта раней пра БНР з гісторыі, але ж разумееце, якая гэта гісторыя была. Магу шчыра сказаць, што сьвяткаваць гэтае сьвята пачаў толькі летась. Аднак спадзяюся, што з цягам часу, пашырэньнем гістарычных ведаў гэтае сьвята стане значна большым у маім жыцьці.