Андрей Ким заявляет о монтаже видеоматериалов. «Процесс 14-ти» продолжится в понедельник

В суде Центрального района Минска объявлен перерыв в процессе над активистами молодежных организаций, которых судят за участие в акции протеста 10 января.

Сёньня пасля невялікага перапынку ў залю суду не пусьцілі аднаго зь лідэраў прадпрымальніцкага руху Алеся Макаева.У інтэрвію “Радыё Свабода” ён патлумачыў сваё жаданьне прысутнічаць на працэсе тым, што прыйшоў падтрымаць моладзь, якая зараз церпіць за салідарнасьць з прадпрымальнікамі. “Гэты ж працэс тычыцца прадпрымальнікаў, судзяць за выступы прадпрымальнікаў, у абарону прадпрымальнікаў. Канечне, гэты працэс ідзе, каб запалохаць грамадзтва, каб людзі баяліся спакойна выказваць сваю думку і бараніць свае інтарэсы”, - падкрэсьліў Макаеў.

Адвакаты і падсудныя хадайнічалі аб допыце ў якасьці сьведкаў лідэра АГП Анатоля Лябедзькі і прадпрымальніка Ігара Ледніка. Пракурор выступіў супраць, і судзьдзя Алена Ільліна адхіліла хадайніцтва.

Між тым адвакаты працягвалі настойваць на выкліку Ігара Ледніка. Пасьля настойлівых вымог адвакатаў судзьдзя пагадзілася запрасіць у якасьці сьведкі абароны Ігара Ледніка і выслухаць сьведку Дар’ю Гудкову, якая была побач зь Кімам у часе бойкі 21 студзеня.

Дар’ю Гудкову распавяла, што 21 студзеня пасьля таго, як яе зь Кімам міліцыя затрымала і даставіла ў пастарунак, у РАУС да іх прывялі супрацоўніка ДАІ Сычова і паказалі яму Кіма як чалавека, які нібыта яго ўдарыў.

Сьведка Ігар Леднік завіў у судзе, што прадпрымальнікі правялі 10 і 21 студзеня выключна мірныя акцыі. Яны вымушаныя былі выйсьці на вулічную акцыю, каб бараніць свае правы, паколькі вычарпалі ўсе сродкі ўплыву на дзяржаву, якая адмаўляецца ісьці на перамовы з дробнымі бізнэсоўцамі.

Андрэй Кім заявіў, што відэа зь ягоным удзелам -- аб'ект мантажу і маніпуляцый. Андрэй сказаў, што сам здымаў відэаролікі, таму ведае гэтую кухню. Таксама ён зьвярнуў увагу на тое, што на відэа ня бачна сьведкаў па ягонай справе Сірыча і Блішчова, хоць відэа мае цэлыя тры ракурсы.

Адвакат Марыяна Сімешка зазначыла, што падчас сьледства дзьве відэакасэты і DVD з відэаматэрыяламі былі ўпакаваныя ў скрыню і апячатаныя. У залю суду яны былі прынесеныя ў звычайным файле для папер. Марыяна Сімашка паставіла пад сумнеў сапраўднасьць гэтых матэрыялаў.

Пасьля гэтага падсудныя зьвярнуліся да судзьдзі з патрабаваньнем завесьці крымінальную справу супраць сьведкі - намесьніка начальніка ДАІ Менску Максіма Падбярозкіна, які, на іх думку, даваў учора ілжывыя сьведчаньні, што ўдзельнікі мітынгу прадпрымальнікаў былі п'яныя і не прапускалі машыны "хуткай дапамогі". Відэаматэрыялы, у прыватнасьці, засьведчылі, што дэманстранты прапускалі машыны "хуткай дапамогі". Судзьдзя заявіла, што будзе раіцца, і абвясьціла перапынак да панядзелка. Працягнецца працэс аб 11-й.

У акцыі прадпрымальнікаў у цэнтры Менску супраць прэзыдэнцкага ўказу №760, якая адбылася 10 студзеня сёлета, бралі ўдзел ад трох да пяці тысяч чалавек. Некалькі дзясяткаў былі затрыманыя і зьбітыя.

Супраць 14-ці выстаўлены крымінальныя абвінавачаньні ва ўдзеле ў масавых беспарадках. Вось іх імёны. Аляксандр Баразенка, Аляксей Бондар, Павал Вінаградаў, Максім Дашук, Арцём Дубскі, Андрэй Кім, Антон Койпіш, Міхась Крываў, Міхась Пашкевіч, Алесь Стральцоў, Міхась Субач, Уладзімір Сяргееў, Алесь Чарнышоў, Тацяна Цішкевіч.

Аляксандра Баразенку, Паўла Вінаградава, Міхаіла Субача і непаўналетняга Максіма Дашука будуць судзіць пазьней. Яны не пасьпелі своечасова азнаёміцца з матэрыяламі крымінальнай справы, таму працэс над імі перанесьлі на нявызначаны тэрмін.