ЗША ўдарылі па расейскіх ЗПГ-праектах
1- 2.05.2024, 12:17
- 8,688
Заблакаваны пастаўкі абсталявання з Кітая ў РФ.
Мінфін ЗША увёў санкцыі ў дачыненні да суднаўладальнікаў і спецыялізаваных суднаў-цяжкавозаў, якія перавозілі з Кітая ў Расею модулі і абсталяванне для СПГ-праектаў "Новатэка" ў Арктыцы. Гэта вынікае з апублікаванай 1 траўня новай рэдакцыі санкцыйнага спісу, піша The Moscow Times.
У SDN-ліст патрапілі сінгапурская Red Box Energy Services PTE Ltd (структура нідэрландскай Red Box Energy Services) і прыналежныя ёй спецыяльныя судны ўзмоцненага лядовага класа Arc7 – Audax і Pagnax. Яны былі пабудаваныя ў 2016 годзе спецыяльна пад пастаўку кітайскіх модуляў для праектаў “Новатэка”, у тым ліку праз паўночны марскі шлях.
Кампанія, якая трапіла пад санкцыі, ужо пастаўляла модулі для праекта "Ямал ЗПГ". У канцы лютага яе судны даставілі партыю для будаўніцтва другой лініі ЗПГ-завода “Арктык ЗПГ-2”, які знаходзіцца пад санкцыямі ЗША.
Таксама пад абмежаваннямі была ганконжская суднаходная кампанія CFU Shipping Co. Limited і належаць ёй спецыялізаваныя грузавыя судны Hunter Star і Nan Feng Zhi Xing. У "чорны спіс" патрапілі і расейскія кампаніі, якія працуюць у паўночных морах, а таксама іх судны. Так, у SDN-ліст былі дададзеныя дзевяць суднаў ТАА "Эка Шыпінг", якая базуецца ў порце Архангельска.
У тлумачэннях Мінфіна ЗША да санкцый гаворыцца, што кампанія ТАА "Эка Шыпінг" ажыццяўляла перавозкі, звязаныя з будаўніцтвам інфраструктуры ў арктычнай зоне Расеі, у тым ліку для праекта "Арктык ЗПГ-2".
Акрамя гэтага, пад санкцыі патрапілі тры судны, якія належаць ТАА "Трансбуд" і сама кампанія. У тлумачэнні гаворыцца, што яна працуе ў Арктыцы і паўночных раёнах Расеі, а ў ліку яе закончаных праектаў – працы для Цэнтра будаўніцтва буйнатанажных марскіх збудаванняў “Новатэка” ў Белакаменцы.
Раней, як паведамлялі крыніцы Reuters, "Новатэк" прыпыніў вытворчасць на праекце "Арктык ЗПГ-2" праз амерыканскія санкцыі і нястачу танкераў. У снежні вытворчасць на заводзе складала 425 млн кубаметраў, у студзені - 250 млн, а ў лютым - 83 млн, паведамляў Bloomberg. На скарачэнне вытворчасці паўплывала адмова пакупнікоў ЗПГ у Кітаі ўкладаць дамовы з "Новатэкам" праз боязб санкцый ЗША.