У Берліне маштабны пажар: жыхароў горада просяць пакінуць дамы

І зачыніць вокны.

У Берліне гарыць цэх металургічнага завода Diehl Metall, там захоўваліся серная кіслата і цыянід медзі. Пра гэта паведаміла выданне Bild са спасылкай на пажарных у пятніцу, 3 траўня.

У берлінскай выратавальнай службе паведамілі журналістам, што цалкам згарэлі чатыры паверхі будынка, частка памяшкання ўжо абрынулася.

Берлінскія ўлады апублікавалі афіцыйнае паведамленне, у якім заклікалі людзей па магчымасці абыходзіць раён пажару, заставацца дома і зачыняць вокны, дадае Bild.

Berlener Zeitung піша, што пажар узнік раніцай 3 траўня на першым паверсе завода, праз некаторы час агонь перакінуўся на іншыя паверхі. Праз хімічныя рэчывы ўнутры агонь тушаць звонку. Інфармацыі аб магчымай прычыне пажару пакуль няма.

Выданне DW удакладніла, што пажар у Берліне адбыўся на прадпрыемстве падраздзялення Diehl Metall.