Сі Цзіньпін прыляцеў у Францыю на перамовы з Макронам
9- 5.05.2024, 19:09
- 8,452
Гэта яго першая паездка ў Еўропу з 2019 года.
Сі Цзіньпін упершыню за некалькі гадоў прыбыў у Еўропу, а менавіта ў Францыю. Ён абмяркуе і Украіну.
Падчас свайго двухдзённага знаходжання Сі Цзіньпін сустрэнецца з прэзідэнтам Францыі Эмануэлем Макронам, каб абмеркаваць як гандлёвыя, так і геапалітычныя пытанні. Плануецца таксама абмеркаванне пытання аб вайне ва Украіне. Раней прэзідэнт Францыі казаў, што хоча абмяркоўваць "алімпійскае замірэнне" ва Украіне.
“Алімпійскае замірэнне павінна паслужыць пасланнем да свету. Гэта адна з тэм, якую я буду абмяркоўваць са старшынёй КНР у панядзелак і аўторак”, - казаў Макрон.
Цяпер лідар Паднябеснай ужо прыбыў у аэрапорт Арлі, дзе яго сустрэў прэм'ер-міністр Габрыэль Аталь.
BREAKING: China's President Xi Jinping has arrived in Paris ahead of a state visit to Francehttps://t.co/PAiZ4D1jU3
— Sky News (@SkyNews) May 5, 2024
📺 Sky 501, Virgin 602, Freeview 233 and YouTube pic.twitter.com/DcxtDgd6Z3
Bon jour, Monsieur Xi.
— S.L. Kanthan (@Kanthan2030) May 5, 2024
French Prime Minister Attal welcomes Chinese President Xi Jinping at Paris airport.
Red carpet rolled out for a state visit.
Can Macron and Xi achieve any breakthrough in terms of Ukraine or EU-China relations? pic.twitter.com/4rNQe40YJS
Пасля Францыі Сі плануе наведаць Сербію і Вугоршчыну.
Раней у СМІ з'явілася інфармацыя, што французскі лідар хоча прымусіць Сі паўплываць на Расею ў вайне супраць Украіны. У той самы час ён хоча пераканаць яго знізіць гандлёвы дысбаланс у дачыненнях з Еўрапейскім Звязам.