Славакія перамагла ЗША ў матчы ЧС-2024 у хакеі

У паралельным матчы групы A Фінляндыя перамагла Нарвегію.

Каманда Славакіі перамагла каманду ЗША ў матчы групавога этапу чэмпіянату свету ў хакеі, які праходзіць у Чэхіі.

Асноўны час сустрэчы групы B, якая адбылася ў Астраве, закончыўся з лікам 4:4. У Славакіі шайбы закінулі Мілаш Келемен, Лібар Гудачак, Шымон Немец і Патрык Кох, у амерыканцаў вызначыліся Мэцью Болдзі, Шэйн Пінта, Брэдэн Ткачук і Люк Х'юз. У авертайме перамогу камандзе Славакіі прынёс Келемен.

Славакі набралі пяць балаў і падняліся на другі радок у турнірнай табліцы групы B, саступаючы адзін бал камандзе Швэцыі (6), якая мае адзін матч у запасе. ЗША (4) ідзе на чацвёртым месцы, саступаючы Латвіі (4) у дадатковых паказніках. Таксама ў групе выступаюць каманды Казахстана (3), Нямеччыны (3), Францыі (1) і Польшчы (1).

У паралельным матчы групы A каманда Фінляндыі ў Празе перамагла каманду Нарвегіі – 4:1. На дублі Олівера Капанена і Арту Хюру нарвежцы змаглі адказаць дакладным кідком Макса Крагдаля.