У Карачаева-Чаркесіі супрацоўнікі ФСБ застрэлілі расейскага вайскоўца

Вайсковец супраціўляўся.

У расейскай Карачаева-Чаркесіі супрацоўнікі ФСБ застрэлілі расейскага вайскоўца, якога падазравалі ў сувязях з ІДІЛ.

Як піша Baza, 25-гадовы Ілля служыў у 49-ай агульнавайсковай арміі паўднёвай-вайсковай акругі. 15 траўня супраць яго завялі справу паводле артыкула «ўдзел у тэрарыстычнай арганізацыі», а ўночы 16 траўня сілавікі паспрабавалі яго затрымаць, але нешта чарговым разам пайшло не так. Хлопец нібыта супраціўляўся і быў застрэлены на месцы.

Паводле версіі сілавікоў, забіты планаваў учыніць тэракты ў дачыненні да супрацоўнікаў МУС.