Як у Беларусі могуць паралізаваць інтэрнэт?

Кангрэс Злучаных Штатаў Амэрыкі аднагалосна ўхваліў “Акт аб глябальнай сеткавай свабодзе”. Ад гэтага часу ЗША маюць намер змагацца са спробамі шэрагу ўрадаў цэнзураваць альбо абмяжоўваць доступ да інтэрнэту ў сваіх краінах, а таксама з рэжымамі, якія пагражаюць крымінальным перасьледам карыстальнікам усясьветнай сеткі. У сьпісе патэнцыйных і рэальных ворагаў інтэрнэту — Куба, Іран, Этыёпія, Ляос, КНДР, Кітай, Туніс, Віетнам, і адна эўрапейская краіна — Беларусь.